Реактивті сопло

Реактивті сопло (қақпақ тұмсық) (Реактивное сопло)
— реактивті қозғалтқыштың бір бөлігі болып саналатын қондырғы. Шыққан газ ағынының реакциясын қолдануға арналады. Реактивті сопло — отын жаққандағы жылу энергиясының өнімдерін газ ағынының кинетикалық энергиясына, яғни қозғалыс энергиясына айналдыратын қозғалтқыштың элементі болып саналады.

Реактивті сопло үш бөлімнен тұрады: тарылатын, тоғысу және кеңейетін бөлім. Реактивті қозғалтқыштарда бір камерада орналасқан бір немесе бірнеше реактивті сопло болады.

Жоғарғы статистикалық және газодинамикалық жүктемелер мен газ температурасы бірнеше мыңдаған градусқа жеткенде тұмсық мойыны эрозияға (бүлінуге) ұшырайды. Сондықтан реактивті сопло ыстыққа төзімді құрышты айырықша нығыздалған материалдармен қосу арқылы дайындалады.